பீகார் மாநிலம் பகௌத்சஹர்சா மாவட்டத்தில் உள்ள பெளகர் அருகே உள்ள மைனாக கிராமத்தைச் சேர்ந்தவர் விசர்ஜித் காமத் (19). இவரும் அதே ஊரை சேர்ந்த நண்பர்கள் 4 பேரும் சேலம் அழகாபுரம் பெரியபுதூரில் இந்திராணி என்பவருக்கு சொந்தமான வீட்டை வாடகைக்கு எடுத்தனர். டைல்ஸ் பதிக்கும் பணியை செய்து வந்தனர்.
விசார்ஜித் காமத் 4 மாதங்களுக்கு முன்புதான் சேலம் வந்தார். இவர் தனது கிராமத்தை சேர்ந்த 15 வயது சிறுமியை காதலித்து வந்தார். இருவரும் ஊரில் இருக்கும் போது வெவ்வேறு இடங்களுக்கு செல்வது வழக்கம்.
இதற்கிடையில் விசர்ஜித் காமத் தினமும் சேலம் வந்த பிறகு நள்ளிரவு 12 மணி வரை தனது காதலியுடன் வீடியோ காலில் பேசிக் கொண்டிருந்தார். அப்போது விசார்ஜித் காமத் தனது காதலியை சேலம் வருமாறு அழைத்துள்ளார்.
அதேபோல், நேற்று முன்தினம் இருவரும் வீடியோ அழைப்பில் பேசினர். பிறகு விசர்ஜித் காமத், உன்னை பார்க்காமல் இருக்க முடியவில்லை. ரயிலில் சேலம் வந்தால் உன்னை நன்றாக பார்த்துக் கொள்கிறேன் என்று காதலிக்கு போனில் கூறியுள்ளார். ஆனால் பெற்றோரை விட்டு எப்படி செல்வது என தெரியாமல் சிறுமி தவித்துள்ளார்.
இதனால் கடந்த 4 மாதங்களாக காதலியை பார்க்க முடியாத வேதனையில் இருந்த விசர்ஜித் காமத் நேற்று இரவு திடீரென சமையல் அறைக்கு சென்று அங்கு தற்கொலை செய்து கொண்டார். நேற்று காலை அவருடன் தங்கியிருந்த நண்பர் இதை பார்த்து அதிர்ச்சி அடைந்தார்.
இதுகுறித்து அழகாபுரம் போலீசாருக்கு தகவல் தெரிவிக்கப்பட்டது. அதன்பேரில் போலீசார் சம்பவ இடத்துக்கு வந்து அவரது உடலை கைப்பற்றி அரசு மருத்துவமனைக்கு அனுப்பி வைத்தனர்.
மேலும் விசார்ஜித் காமத்தின் செல்போனை போலீசார் எடுத்தபோது, அதில் பல செல்பிகளும், காதலியுடன் இருக்கும் புகைப்படங்களும் இருந்தன. மேலும் விசார்ஜித் காமத் தனது காதலியுடன் வீடியோ அழைப்பில் பேசியபோது, அவர் தனது காதலியின் கண்களை ஸ்கிரீன் ஷாட் எடுத்தது தெரிந்தது. இன்ஸ்பெக்டர் காந்திமதி வழக்கு பதிவு செய்து விசாரணை நடத்தி வருகிறார்.